Camiseta repunante unisex

Camiseta de manga llarga 100% n'algodón orgánicu y unisex. Perfecta pa los díes de frio, con un gramaxe de 200gr que la fae tovía más prestosa y gustosina al ponela. El corte ye rectu, nun entalla. Recomendámoste mirar la guia de talles enantes de mercar la camiseta.

💥Pogu, porque nos presta la cultura punk, defendemos la autoxestión y el "failo tu mesma/u". Nada como un buen pogu pa baillar, brincar, y descargar bien les tensiones acumulaes! Eso sí, nel pogu como na vida misma, si una compañera cai al suelu, lo primero que se fai ye da-y la mano pa que se ponga de pie y poder siguir compartiendo bail.le y mugor💜 💥 Perréu, porque amosamos otres cultures, deprendemos d'otros ritmos y creyemos na llibertá de cada una pa movelo como y con quien más-y pete! Préstanos pela vida perrear y nun queremos que nos vengan a xulgar, asina que los que nun lo entiendan, que s'aparten y nos dexen bail.lar✊🏽 💥 Pandereta, porque son los nuestros raigaños y tocando la pandereta munches muyeres tresmitieron gran parte de la nuestra cultura tradicional que ta presente güei na nuestra vida y que nun podemos escaecer. Con una pandereta y muncho remangu pue montase una bona folixa, y ehí ta la maxa de la vida, facer coses grandes dende lo simple, dende lo pequeño✨ Guía de Talles