Preguntas Frecuentes
Estes son les preguntes más frecuentes que nos facéis y les sos respuestes. Si tienes dalguna otra consulta, puedes contactanos a info@pururemangu.com o per teléfonu.
¿ÓNDE TAMOS?
La oficina y el puntu de venta de Xixón.
La nuestra oficina ta en Xixón. La dirección ye La Estrella 1 Baxu Izquierda. Abrimos de llunes a viernes de 9.30h a 14.30h (sacantes en Navidá qu’ampliamos l’horariu).
Equí tenemos stock de too, asina que puedes mirar, probar y mercar los nuestros artículos. Tamién puedes garrar lo que merques na web cola opción de “Recoyida llocal gratuita", escoyendo la oficina de Xixón.
La tienda d’Uviéu.
N’Uviéu ta la nuestra tienda oficial. La dirección ye cai Postigo Bajo 1 Baxu y abrimos de martes a viernes de 11h a 14h y de 17h a 20h y los sábados de 11h a 14h (en Navidá tamién ampliamos horariu).
Equí tenemos tolos nuestros productos a la venta asina que puedes miralos, probalos y mercalos. Tamién puedes garrar lo que merques na web cola opción de“Recoyida llocal gratuita", escoyendo la tienda d'Uviéu.
Los otros puntos de venta.
Hai dalgunes otres tiendes que venden los nuestros artículos. Equí puedes consultar tolos sitios onde topar dalgún productu de Puru Remangu. NUN tienen tolos nuestros artículos, asina que si t’interesa dalgo en concreto lo meyor ye que contactes coles tiendes p’asegurate de qu’haiga.
LOS UNVÍOS
¿Cuándo facéis unvíos?
Facemos unvíos tolos díes de llunes a vienres. Preparamos los pidíos a primer hora de la mañana y salen de la nuestra oficina sobre les 12 la mañana.
¿Cuánto tarda en llegame un pidíu?
El plazu de recepción na Península ibérica ye de 24-72 hores en díes llaborables dende que sal de la nuestra oficina.
Los sábados y domingos Correos NUN reparte, polo que si ficisti un pidíu de vienres de tarde, sábadu o domingu va llegate ente’l llunes y el xueves a más tardar.
Úrxeme recibir el pidíu.
Los plazos d’entrega son los qu’indicamos y recomendámoste que tengas previsión d’ello cuando faigas la compra. De toes formes si t’urxe recibir el pidíu, puedes contactanos a tienda@pururemangu.com o per teléfonu pa que podamos atender la to petición estraordinaria.
¿Con qué empresa de paquetería trabayáis?
Con Correos, un serviciu públicu de tola vida nel que creemos y qu’aporta a tolos sitios. Tolos unvíos son certificaos y van con códigu de siguimientu.
¿Pueo facer un siguimientu del pidíu?
Si. Vas recibir un corréu electrónicu col códigu de siguimientu y l’enllaz pa que puedas entrar y comprobar l’estáu del unvíu.
¿Cuánto cuesta’l coste d’unvíu?
El preciu estándar ye 3,90 €. Si ye pa Canarias, Baleares o Internacional va salite’l coste d’unvíu en cuanto pongas la dirección.
¿Pueo mercar ensin tener que pagar gastos d’unvíu?
Si. Puedes escoyer la opción “Recoyida llocal gratuita” y marcar la oficina de Xixón o la tienda d'Uviéu. Vas recibir un corréu electrónicu en cuantes tea’l pidíu preparáu pa que puedas pasar por él na dirección y horariu indicáu.
¿Pueo mercar dende Canarias?
Si. Pero tienes que poner obligatoriamente’l DNI cuando faigas la compra (ta indicao nos datos a rellenar). El coste d’unvíu ye mayor.
¿Facéis unvíos internacionales?
Si. Pero tienes que poner obligatoriamente’l DNI cuando faigas la compra (ta indicao nos datos a rellenar). El coste d’unvíu ye mayor.
Quiero cambiar la dirección d’unvíu.
Si tovía nun mandamos el to paquete tas a tiempu de cambiar la dirección. Llámanos n’horariu d’oficina o mándanos un corréu a tienda@pururemangu.com pa que podamos atender la to petición.
Nun suelo tar en casa. ¿Mandáis paquetes a otres direcciones y oficines de Correos?
Si. Podemos mandatelo a la to dirección de trabayu o otru sitiu nel que pueda haber dalguien pa recibilu, pero tolos unvíos son certificaos y tienen que ser recibíos por una persona física. Tamién puedes escoyer que te lu mandemos a dalguna oficina de Correos escoyendo la opción “Recoyer nuna oficina de Correos”.
¿Qué pasa si el pidíu llega de vuelta a la nuestra oficina?
Los pidíos namás lleguen de vuelta si Correos nun pudo llocalizate varies veces pa la entrega. En cuantes recibamos el pidíu de vuelta vamos contactate pa volver a mandatelu, pero tienes que pagar otra vuelta los gastos d’unvíu.
Nun me llega’l pidíu.
Si nun te llega’l pidíu nun plazu de 72 hores en díes llaborales y nel códigu de siguimientu nun hai información actualizada, ye qu’hubo un problema con Correos. Ye mui raro que pase esto, pero pue pasar. Contáctanos a tienda@pururemangu.com pa que podamos resolver la incidencia.
LA RECOYIDA EN XIXÓN Y UVIÉU
¿Cuánto tardáis en preparar el pidíu pa recoyer en Xixón o Uviéu?
Preparamos tolos pidíos a primer hora de la mañana de llunes a vienres. Enantes de les 12h yá suelen tar tolos pidíos preparaos. Si t’urxe que preparemos el pidíu puedes contactanos a tienda@pururemangu.com o per teléfonu pa que-y deamos la máxima prioridá posible.
¿Cuándo pueo pasar por ello?
Vas recibir un corréu electrónicu pa que pases por ello. Si en 48 hores nun lo recibes, contáctanos per teléfonu o corréu electrónicu. Si t’urxe que preparemos el pidíu contáctanos pa que-y deamos la máxima prioridá posible.
¿Cuánto tiempu tengo pa pasar por ello?
Na tienda d’Uviéu damos un marxe de 7 díes. Si en 7 díes nun pases por ello, el paquete va pa la oficina de Xixón. Si vas tardar más en pasar por ello contáctanos a tienda@pururemangu.com pa tenelo en cuenta y que te lu guardemos más tiempu.
Quiero cambiar el puntu de recoyida.
Contáctanos a tienda@pururemangu.com o al teléfonu indicando’l cambiu y el númberu de pidíu.
Complicóseme y nun pueo dir a recoyelo. ¿Podéis mandamelo?
Si, pero vas tener qu’abonar los gastos d’unvíu. Mándanos un corréu a tienda@pururemangu.com pa que lo podamos xestionar.
LOS CAMBIOS Y LES DEVOLUCIONES
¿Cuántos díes tengo pa facer un cambiu/devolución?
15 díes. En casos xustificaos podemos allargar el plazu.
Quiero cambiar lo que recibí.
Dende'l to área de cliente puedes solicitar el cambiu entrando na compra y escoyendo la opción "Solicitar devolución". Sigui los pasos indicaos y xestionamos el cambiu. Si tienes dudes escríbinos a tienda@pururemangu.com.
Quiero facer una devolución.
Dende'l to área de cliente puedes devolver los artículos entrando na compra, escoyendo la opción "Solicitar devolución". Sigui los pasos indicaos y xestionamos la devolución.
Nun facemos devoluciones del importe del pidíu (a menos que l’artículu tea dañáu o sea incorrectu), polo que xeneramos "créditu en tienda" pa que puedas gastar l’importe de los artículos que yá nun quies en cualquier ocasión a lo llargo d’un añu. El ”créditu en tienda” val pa la web y pa la tienda.
Si tienes dudes escríbinos a tienda@pururemangu.com.
¿Cómo pueo gastar el “créditu en tienda”?
Ta disponible na to área de cliente. Cuando vayas facer un pagu na web o na tienda vas poder usar l’importe que tienes disponible escoyendo la forma de pagu de “Aplicar crédito en tienda”.
¿Cuánto tiempu tengo pa gastar el “créditu en tienda”?
365 díes.
Llegóme un artículu incorrectu o dañáu.
Dende'l to área de cliente puedes solicitar el cambiu. Sigui los pasos indicaos y xestionamos el cambiu ensin nengún coste pa tí o devolvémoste les perres. Si tienes dudes escríbinos a tienda@pururemangu.com.
Equivoquéme al facer la compra.
Si'l pidíu ye recién y tovía ta en preparación, escríbinos a tienda@pururemangu.com o llámanos al 985 70 92 05.
Si yá salió del nuestru almacén o yá lo recibisti, dende'l to área de cliente puedes solicitar el cambiu entrando na compra y escoyendo la opción "Solicitar devolución". Sigui los pasos indicaos y xestionamos el cambiu.
¿Tien dalgún coste facer un cambiu?
Los gastos d'unvíu de mandanos lo que nun quies y de que t'unviemos polo que lo quies cambiar.
LES FORMES DE PAGU
¿Cómo pueo pagar na web?
Con tarxeta de debitu y/o créditu, apple pay, google pay y shop pay. Tolos pagos son 100% seguros.
¿Cómo pueo pagar na oficina o na tienda?
N’efectivu o con tarxeta.
Quiero usar el “créditu en tienda”.
Ta disponible na to área de cliente. Cuando vayas facer un pagu na web o na tienda vas poder usar l’importe que tienes disponible escoyendo la forma de pagu de “Aplicar crédito en tienda”.
LOS PRODUCTOS
¿Cómo tallen los productos?
La mayoría de los productos son unisex (sacantes los que s'indica lo contrario) y tienden a tallar amplio. Recomendámoste que mires la guía de talles que vien na información de cada artículu.
¿De qué materiales son y cómo cuidalos?
La mayoría de prendes son d'algodón orgánicu certificáu. Si quies saber la composición y cómo cuidalos recomendámoste que mires los detalles técnicos y cuidaos que vien na páxina de cada productu.
¿Ónde fabricáis?
Serigrafiamos too n'Asturies: en La Felguera y Piloñeta (Nava). Confeccionamos pañuelos, manteles y camises en Xixón. Otros productos los fabricamos dientro d'España. El nuestru proveedor textil fabrica fuera de la Xunión Europea, pero tien certificaciones oficiales de compromisu de sostenibilidá col mediu ambiente y coles condiciones llaborales.