UNVÍOS DE LES COMPRES
En Puru Remangu facemos 3 unvíos a la selmana: los llunes, miércoles y vienres. Tolos paquetes mandámoslos con Correos y son certificaos, con un plazu d’entrega d’ente 24 y 72 hores. Cuando faigas una compra pues escoyer si quies que’l paquete vaiga a la to dirección o si prefieres recoyelu nuna oficina de Correos. En saliendo’l to pidíu de la nuestra oficina va llegate un mail con un enllaz pa que puedas facer un siguimientu en tiempu real de per ónde ta.
Si tienes dalgún pidíu urxente o necesidá especial, escríbenos al mail info@pururemangu.com, pel formulariu de contactu, per Instagram o per teléfonu al 985 70 92 05.
RECOYIDA NA OFICINA
Tamién pues facer el pedíu dende la web y recoyelu na oficina ensin problemes. Pa ello entra na web, fai el to pedíu con normalidá y a la hora de pagar escueye recoyida local. Nun tien coste adicional. Normalmente preparámoslos nel mismu día, y mandámoste un email pa que sepas que pues venir a buscalu.
COMPRA DIRECTA NA NUESTRA OFICINA O NA TIENDA
Si te presta más, pues pasar pela tienda d’Uviéu o pela nuestra oficina de Xixón a mercar lo que quieras. D’esta manera aforres los gastos d’unvíu, pues ver tolos artículos que tenemos en stock y probalos a ver qué talla te queda meyor. Pues pagar n’efectivu o con tarxeta.
La dirección de la tienda d’UVIÉU ye:
C / Postigo Baxu 1
33009 Uviéu
L’horariu ye:
Martes a vienres de 11h a 14h y de 17h a 20h
Sábados de 11h a 14h
Sábados de 11h a 14h
La dirección de la oficina de XIXÓN ye:
C / La Estrella nº1 Baxu Izquierda
33212 Xixón
Ta enfrente del Restaurante Savannah, mui cerquina de la Playa L’Arbeyal y del CP Santa Olaya. Si nun nos topes, puedes llamanos al 985 70 92 05.
L’horariu ye:
Llunes a vienres de 9.30 a 14.30h
CAMBIOS Y DEVOLUCIONES
Puru Remangu acepta cambios y devoluciones -nun plazu máximu de 15 díes naturales dende la recepción del mesmu-, si devolvéis el productu en bon estáu o si esti tien dalgún fallu. Los gastos d’unvíu del artículu a tornar van a cuenta de quien lu merque (sacantes qu’esti tea defectuosu o tenga dalgún otru fallu). En casu de devolución, una vez que recibamos la prenda de vuelta, va facese un bonu canxeable pa que lu camudéis polo que queráis. Si ye un cambiu de talla, la persona compradora tien qu’abonar el nuevu gastu d’unvíu al traviés de Bizum o tresferencia bancaria. Si ta defectosu o tien dalgún otru error, nós asumimos los costes de los unvíos. Pa más información, por favor contáctanos y vamos respondete lo enantes que podamos.
Recomendamos que mires bien la guía de talles enantes de facer una compra, yá que non tolos modelos tallen de la mesma manera.