Camiseta Puru Remangu Verde Ocalitu

Somos xente de pueblu. Les que crecimos con vistes al monte, ente pozos de la mina o puertos marineros enllenos de redes de pescar. De pueblu son les hortensies, el café de pota,les güeles, la güerta, los mandiles, les fiestes de prau, la fesoria, el garabatu, les pites, les raposes y el remangu. De pueblu son tamién los nuestros valores, la nuestra filosofía y la forma que tenemos de facer les coses. De pueblu ye trabayar codu a codu cola vecina, ye pensar nel bien común, ye ser solidaria colos que viven al llau. Ye cuidar la tierra y les tradiciones ¿y la cultura? Sí, la nuestra cultura tamién ye de pueblu. De pueblu tamién somos les que tuvimos qu’emigrar como lo ficieron enantes los nuestros antepasaos. Somos esa xeneración a la que-y vendieron que nel nuestru pueblu nun podíemos tener un futuru. Ficimos les maletes y nos dixeron qu'escondiéramos l’acentu nuna ciudá enllena de xente de pueblu. Ser de pueblu ye una actitú, son los nuestros raigaños, y sentímonos mui arguyoses de ser de pueblu. Vivas en La Güeria Carrocera, Uviéu, Madrid o Nueva York, tú yes de pueblu hasta la médula. Guía de Talles

✅Camiseta de corte rectu, importante ver guia de talles ✅Camiseta de deporte fabricada en Barcelona ✅100% poliester resistente dry-system ✅Gramaxe de 135gr ✅Textu bordáu el pechu