Tienda

😋Llamber, terapía tradicional asturiana❤️ N'Asturies somos llambiones y en cada pueblu o requexu d’equí podemos atopar una bona montonera de dulces tradicionales. Dende oriente a occidente hai una llarga llista de dulces del país, y nós quisimos destacar quiciabes los más conocíos por toes o aquellos que de xuru, seyas onde seyas, nun faltaben na mesa de to casa nes ocasiones más especiales. Les casadielles, los frixuelos, l’arroz con lleche, les marañueles, los carbayones, los bartolos y les galletas de manteca d’eses que facía to güela. Esta colección ye un reconocimientu a tola xente qu’amasa coles sos manes y con munchu remangu pa facer les mayores delicies asturianes. Ye una oda a les sobremeses llargues tomando café, a los momentos de celebración en casa cola to xente. Ye un homenaxe a los homenaxes, a la manteca, a la fariña, y al anís. Amasar, charrar, comer casadielles, facer frixuelos, echar unes pingarates al café y allargar les comides tamién ye terapéutico. Al rodiu d’una bona mesa enllena de llambionaes pasen coses mui buenes que nun queremos escaecer. La colección Llamber ye una colección que tien sabor y arume a casa, amasada con procuru y munchu ciñu, reposada, porque toes sabemos que lo bueno lleva’l so tiempu, y siempre colos meyores ingredientes. Nesti casu, algodón 100% orgánicu y un gramaxe de 240º que ye una auténtica maraviya. ✅ CAMISETA UNISEX ✅ CORTE OVERSIZE. IMPORTANTE MIRAR GUIA DE TALLES ✅ ALGODÓN ORGÁNICU ✅ GRAMAXE PREMIUM